slide
Aafke Zuidersma

WINNAAR LIET 2016

slide
slide
slide
Prev Next

Wolkom by Frysk sjongfestival Liet

jpg
Sûnt 1991 wurdt jierliks it Fryske sjongfesitval Liet organisearre. De finale fan Liet hat altiten plak fûn yn Ljouwert, de haadstêd fan Fryslân. Foarwearde foar dielname oan Liet is dat de tekst fan it nûmer fan de dielnimmende artyst yn it Frysk is of yn ien fan de yn Fryslân sprutsen streektalen.
In faksjuery rikt de sjuerypriis ut. Yn 2017 wurdt hjir in tekstpriis oan taheakke. De winner fan de sjuerypriis fan Liet mei yn 2018 dielnimme oan de finale fan Liet International. Dit festival fynt fansels plak yn  de Kultuerele Haadsted Ljouwert, mar belooft wol in hele spesjale edysje te wurden.
De bekendste Liet-winner is it duo Twarres, dy’t yn 1999 de publykspriis wûn hat mei de lettere Nederlânske en Belgyske nûmer 1-hit ’Wêr bisto?’. Oare yn en bûten Fryslân bekende winners binne Nynke Laverman, Sebeare en Adri de Boer. Yn 2011 wûn de Fryske sjongeres Janna Eijer de finale fan Liet International yn Udine (Itaalje). Yn 2015 waarden Marit & Nigel twadde yn de finale fan SUNS Europe, op ‘e nij yn Udine (Itaalje). Yn 2016 wûn Aafke Zuidersma mei it prachtige nûmer Minsk fan wearde. Sy waard yn april 2017 twadde op it poadium fan Liet International yn Kautokeino (Noarwegen).
Liet wol in bydrage leverje oan talint ûntwikkeling. Derom organisearje we foar ús dielnimmers ferskate workshops. In diel derfan is ek tagonklik foar interessearren dy’t faaks noch net ta binne oan dielnimming, mar wol leare wolle fan professionals. It ûnderwerp fan de workshops stiet ûnder tafersjoch fan Liet sjueryfoarsitter Jan Tekstra.

Partners